Մասիսում կամավորները անվադողեր են հավաքում դիրքեր ուղարկելու նպատակով

<<Մասիս տեղեկատու>> կայքը տեղեկացնում է որ, մի խումբ մասիսցիներ անվադողեր են հավաքում դիրքեր ուղարկելու նպատակով:
Բոլոր նրանք ովքեր հնարավորություն ունեն աջակցելու, խնդրում ենք անվադողերը բերել Հանրապետության և Արարատյան փողոցների հատման վայրը, անվադողերը թողնելով այնտեղ:

Նշենք, որ անվադողերի միջոցով դիրքերում պաշտպանությունն են ուժեղացնում։

Հիշեցնենք, որ հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։
​
Հուլիսի 16-ի պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։