Սայաթ-Նովա գյուղի բնակիչը կամավոր զենք-զինամթերք է հանձնել

«Նելեգալ-2019» և «Զինանոց-2019» օպերատիվ-կանխարգելիչ միջոցառումների շրջանակում ոստիկանության Մասիսի բաժնի ծառայողների բացատրական աշխատանքների արդյունքում 

ապրիլի 9-ին, ժամը 17.30-ին, բաժին է ներկայացել Սայաթ-Նովա գյուղի մի բնակիչ և հանձնել ինքնաշեն թմբուկավոր ատրճանակ՝ հարմարեցված 5.6 մմ տրամաչափի փամփուշտ կրակելու համար, ինքնաձիգի դատարկ փամփուշտատուփ, «ՌԳԴ -5» տիպի ձեռքի նռնակ՝ առանց պայթուցիչի, ձեռքի նռնակի պայթուցիչ, 5 հատ 12.7 մմ, 6 հատ 5,45 մմ և 85 հատ 7,62 մմ տրամաչափի փամփուշտներ:

ԵՎ հայտնել, որ զենք-զինամթերքը պատկանել է հորը (մահացել է 1992թ.), ով զենք-զինամթերքը բերել էր ԼՂՀ ինքնապաշտպանական մարտերին մասնակցելու ժամանակ, պահել տան հողամասում՝ հողի տակ և մոռացության մատնել:

Հանձնված զենք-զինամթերքն ուղարկվել է փորձաքննության:

Նախապատրաստվում են նյութեր:
Աղբյուր՝ police.am