Էդգար Ստեփանյանը մասնակցելու է վարկանիշային մրցաշարերի

Հեծանվորդ Էդգար Ստեփանյանը, որն այս օրերին ուսումնամարզական հավաք է անցկացնում «Օլիմպավանում», կմասնակցի Ռուսաստանի տարբեր քաղաքներում կայանալիք 3 վարկանիշային 

«Գրան պրիի», տեղեկացնում է ՀԱՕԿ լրատվական բաժինը:

Մայիսի 27-30-ը Ստեփանյանը կմասնակցի Տուլայի «Գրան պրիին», որտեղ ուժերը կչափի խմբակային վազք և օմնիում ձևերում:

Նույն մրցաձևերում հայ մարզիկը հանդես կգա նաեւ հունիսի 1-3-ը Մոսկվայում անցկացվելիք «Գրան պրիում»: Մրցումների շարքը կեզրափակվի Սանկտ Պետերբուրգում, որտեղ հեծանվորդը հունիսի 5-7 կմասնակցի խմբակային վազք և օմնիում մրցաձևերի մրցմանը:

Խմբակային վազքի միավորները վարկանիշ կապահովեն աշխարհի գավաթի խաղարկության համար, իսկ օմնիում մրցաձևինը՝ Տոկիո-2020 Օլիմպիական խաղերի համար:

Աղբյուր՝ vnews.am