«2019թ. Ընտանիքի Տարի»՝ սեմինար Մասիս քաղաքում

Ն.Ս.Օ.Տ.Տ. Գարեգին Բ Ամենայն հայոց կաթողիկոսը Մեր Տեր Հիսուս Քրիստոսի Սուրբ Ծննդյան եւ Աստվածահայտնության տոնի առիթով պատգամում, դիմելով բարեպաշտ հայ ժողովրդին, 2019 թվականը հռչակեց Ընտանիքի տարի:

Հայաստանի Հանրապետությունում ամուսնալուծությունների վերաբերյալ 2010-2016թթ. վիճակագրական տվյալներն ուսումնասիրելիս կարելի է ենթադրել, որ զույգերի համատեղ կյանքի ընդհատման համար ամենախոցելի շրջաններից մեկը ամուսնության առաջին 4 տարիներն են: Բաժանությունները հատկապես շատ են 20 և ավելի տարվա տևողությամբ ամուսնությունների դեպքում:
ՀՀ վիճակագրական կոմիտեի տվյալների համաձայն, ամուսնալուծվողների թիվը ՀՀ-ում աճել է, իսկ ամուսնացողներինը` նվազել:

Հաշվի առնելով համապատասխան վիճակագրական տվյալները և ընտանիքի ինստիտուտի զարգացման առջև կանգնած մարտահրավերները՝ անձի հոգևոր-հոգեբանական աճն ընտանեկան միջավայրում ապահովելու նպատակով, Մայր Աթոռ Սուրբ Էջմիածնի <Վաչե և Թամար Մանուկյան> մատենադարանը և <Դիալոգ> հասարակական կազմակերպությունը՝ ԵՀԽ Հայաստանյան Կլոր Սեղան հիմնադրամի ֆինանսավորմամբ, նախաձեռնել են «ԸՆՏԱՆԻՔԸ՝ ՈՐՊԵՍ ԱՆՁԻ ՀՈԳԵՎՈՐ-ՀՈԳԵԲԱՆԱԿԱՆ ԱՃՆ ԱՊԱՀՈՎՈՂ ԿՐԹԱԿԱՆ ՄԻՋԱՎԱՅՐ» դասընթացների շարք, որոնք կանցկացվեն Արարատի, Սյունիքի, Գեղարքունիքի մարզերում և Արցախում:

Ծրագրի իրականացման արդյունքում, համեմատաբար կարճ ժամանակահատվածում ծրագրի մասնակիցները կտիրապետեն հոգևոր-հոգեբանական գիտելիքի գործուն զինանոցի: Վերջինս, հնարավորություն կտա ձեր կողմից յուրացված գիտելիքները, մշակված կարողությունները և ձևավորված հմտությունները փոխանցել ինչպես ձեր ընտանիքին, այնպես էլ համայնքի այլ անդամներին:

Դասընթացի անցկացման օրերը՝
11 օգոստոսի 2019թ.

Դասընթացի անցկացման վայր՝
Մասիսի երաժշտական դպրոցի դահլիճ
Օրակարգ՝

«ԸՆՏԱՆԻՔԸ՝ ՈՐՊԵՍ ԱՆՁԻ ՀՈԳԵՎՈՐ-ՀՈԳԵԲԱՆԱԿԱՆ
ԱՃՆ ԱՊԱՀՈՎՈՂ ԿՐԹԱԿԱՆ ՄԻՋԱՎԱՅՐ»
Ծրագրի օրակարգ

Արարատի մարզ, ք. Մասիս
11 օգոստոսի 2019թ.

14:00-14:15 Ողջույնի խոսք <Ընտանիքը որպես փոքր եկեղեցի> (Մասիսի Ս. Թադեոս եկեղեցու հոգևոր հովիվ Տեր Արարատ քահանա Օրդոյան):

14:15-15:15 Սեմինար «Մինչամուսնական փոխհարաբերությունների էական առանձնահատկությունները», Արմինե Վահանյան

15:15-16:00 Սեմինար «Անձի հոգևոր-հոգեբանական անվտանգության հիմնահարցեր», Ալմաստ Մուրադյան

16:00-16:30 Հարց ու պատասխան, ծրագրի ամփոփում:

Սեմինարին մասնակցությունն անվճար է, սակայն տեղերը սահմանափակ:
Գրանցվելու և հարցերի համար կարող եք կապվել Մայր Աթոռ Սուրբ Էջմիածնի ՔԴԿ-ի Մասիսի տարածաշրջանի պատասխանատու Անահիտ Սարգսյանին՝ 077 06 31 35, ինչպես նաև գրանցվել կարելի է հետևյալ հղումով՝
https://forms.gle/gbcXD1TM72PyEw1UA