Օլիմպիադայի մարզային փուլի բացարձակ հաղթող է ճանաչվել Մասիսի թիվ 3 հիմնական դպրոցի թիմը

Ապրիլի 5-ին Արտաշատի թիվ 4 հիմնական դպրոցում կայացել է դպրոցականների շախմատի օլիմպիադայի մարզային փուլը, որի բացարձակ հաղթող է ճանաչվել Մասիսի թիվ 3 հիմնական դպրոցի թիմը:

Հաղթողից բացի, ամենամյա օլիմպիադայի մարզային փուլին մասնակցել են նաև տարածաշրջանային փուլում հաղթանակ տարած Փոքր Վեդու միջնակարգ և Արտաշատի թիվ 3 հիմնական դպրոցների թիմերը:

Ըստ օլիմպիադայի համակարգող, Արարատի մարզպետարանի կրթության բաժնի ներկայացուցիչ Ալբերտ Պետրոսյանի ՝ մինչև 14 տարեկանների միջև անցկացվող օլիմպիադային մասնակցող թիմերը բաղկացած են 4-ական մասնակցից՝ 3 տղա և 1 աղջիկ:
Մասնակից թիմերը, ինչպես նախորդ անգամ, պարգևատրվել են օլիմպիադայի հովանավոր կազմակերպության՝ Հայ բարեգործական ընդհանուր միութան կողմից:
​
Ի դեպ, տարիներ առաջ, երբ թիմերի կազմում, ըստ կանոնակարգի, կարող էին ընդգրկվել 1-12-րդ դասարանների աշակերտներ, Արարատի մարզը ներկայացնող Արտաշատի ավագ դպրոցի թիմը դարձել էր հանրապետական փուլի հաղթող: 
Աղբյուր՝ ararat.mtad.am