Հարգելի՛ բնակիչներ, Մասիս համայնքի տարբեր բնակավայրերում շարունակվում են սանիտարական մաքրման և բարեկարգման աշխատանքները։ Այս օրերին մաքրման աշխատանքներ են իրականացվում նաև Մասիսի գերեզմանատան տարածքում։ Աշխատանքները կրում են շարունակական բնույթ և իրականացվելու են նաև առաջիկայում։ Հորդորում ենք բոլոր բնակիչներին պահպանել մաքրությունը, հոգատար լինել համայնքային տարածքների նկատմամբ և միասին պահել մեր համայնքը մաքուր ու բարեկարգ։
