Մասիսի երիտասարդական կենտրոնում հունիսի 9-20-ը կազմակերպվել է ֆրանսերենի ամառային դպրոց, որի նպատակն էր «զարգանալ, ստեղծել ու սիրել ֆրանսերենով» սկզբունքով խորացնել ֆրանսերենի և ֆրանկոֆոն մշակույթի իմացությունը տեղի երիտասարդության շրջանում: Նախաձեռնությունը համատեղ իրականացվել է Մասիսի զարգացման հիմնադրամի և Ադիբեկյան բարեգործական հիմնադրամի կողմից՝ Արարատի մարզպետի աշխատակազմի աջակցությամբ: Ծրագրի շրջանակներում մասնակիցները ներգրավվել են բազմաբնույթ գործունեությունների՝ սպորտային և գեղարվեստական պարապմունքներ, տեղեկատվական տեխնոլոգիաների դասընթացներ և լեզվական զարգացման դասեր: Ֆրանսերենի ուսուցումը կազմակերպվել է ինտերակտիվ մեթոդներով՝ խաղային ձևաչափերի, երգերի և ստեղծարար առաջադրանքների միջոցով: Առանձնակի ուշադրություն է դարձվել տեխնոլոգիական հմտությունների զարգացմանը, որտեղ ֆրանսերենը ծառայել է որպես գործնական կիրառման հարթակ: Նման նախաձեռնությունները նպաստում են քաղաքի մշակութային կյանքի հարստացմանը և երիտասարդներին նոր հնարավորություններ են ընձեռում:
